पहिला चहा : मेलोनी व्हर्सेस ट्रम्प..!

मेलोनी : मला तुमचे समर्थन करता येणार नाही यावेळेस. तुम्ही ठुकरटगिरी थांबवा.

ट्रम्प : मेलोनी, तुला माहिती आहे का तू काय बोलतेस?

मेलोनी : मला सगळ्यात जास्त कळते मी कसं वागायला, बोलायला पाहिजे. समजलं. आम्ही तुम्हाला पाठिंबा देणार नाही. इटली हेटस् यू.

ट्रम्प : ओके. खूप मोठे धाडस केलेस तू अमेरिकेला हेटाळून.

मेलोनी : मला बाकी इस्रायलशीही देणेघेणे नाही की, त्यांना काय वाटते. विनाकारण इंधनवाढ कोणत्याच देशाला परवडणारी नाही.

ट्रम्प : तुम्ही शस्त्र पुरवा. नको ते डोक्यात नका ठेवू.

मेलोनी : तुम्ही होर्मुझला स्वतःच्या स्वार्थासाठी सुरुंग लावा. आम्ही ते पाहू असं वाटते का? आम्ही हेल्प नाही करणार यापुढे.

ट्रम्प : इराणशी आम्ही पंगा घेतोय. सगळ्यांनी पंगा घ्या इराणशी, असं मी म्हणेन.

मेलोनी : इटलीच्या प्रतिष्ठेवर पाणी सोडायला लावताय, असं सांगून. आम्ही इथून पुढे शस्त्रपुरवठा नाही करणार. हे फायनल.

ट्रम्प : फ्रान्स, रशिया सगळे विरुद्ध आहेत. त्यात तुम्ही काड्या घाला.

मेलोनी : आम्ही माचिस नाही, शस्त्र तयार करतो. इटालियन पिस्तूल जगप्रसिद्ध आहे.

ट्रम्प : मग करा. तेवढे करा आणि पुरवा आम्हाला माचिस. होर्मुझ पेटवून देतो.

मेलोनी : आगीत तेल ओतणे, होर्मुझमध्ये सुरुंग पेरणे, आ बैल मुझे मार, किती कौतुक करावं आपलं? राईट डिअर ट्रम्प?

ट्रम्प : मेले जागी हो.

मेलोनी : तू बारीक डोळे करत चिनी लोकांशी पंगा घे, इराणशी घे, तुझ्यापेक्षा मोदी बरे. शांती समझोत्यावर विश्वास ठेवतात.

ट्रम्प : इंडियात मी लोकांना आवडतो, असं माझे परममित्र मोदींनी काल चाळीस मिनिटांच्या कॉलवर चाळीस वेळा सांगितले.

मेलोनी : तुला अलीबाबा चाळीस चोर स्टोरी सांगितली का मोदींनी?

ट्रम्प : नाही. त्याचे काय?

मेलोनी : तू तेलाची जहाजं अडवणारा आणि तेलाच्या खाणी लुटणारा अलीबाबाच्या भावासारखा आहेस. मोदींकडून शिक हावरट.

ट्रम्प : मोदींतर्फे तुला साष्टांग नमस्कार. एरव्ही शेक हँड बरं का?

मेलोनी : ट्रम्पू, तुलाही कोपरापासून नमस्कार. गुड बाय. टेक केअर डियर.

from pudharinews https://ift.tt/ZLAFbxk