FIFA U17 World Cup 2026 | 17 वर्षांखालील फुटबॉल वर्ल्डकपचे ड्रॉ जाहीर

झुरिच; वृत्तसंस्था : ‘फिफा’ने आज येथील आपल्या मुख्यालयात आगामी ‘17 वर्षांखालील पुरुष विश्वचषक 2026’ आणि ‘17 वर्षांखालील महिला विश्वचषक 2026’ या दोन्ही महत्त्वाच्या स्पर्धांचे ड्रॉ (गटवारी) अधिकृतपणे जाहीर केली आहे. 19 नोव्हेंबर ते 13 डिसेंबर दरम्यान कतारमध्ये होणार्‍या या 17 वर्षांखालील पुरुष विश्वचषक स्पर्धेत एकूण 48 संघ विजेतेपदासाठी एकमेकांशी भिडणार आहेत.

दोहा येथील ‘अस्पायर झोन कॉम्प्लेक्स’मध्ये या स्पर्धेतील सामने खेळवले जातील, तर अंतिम सामना ऐतिहासिक ‘खलिफा इंटरनॅशनल स्टेडियम’वर रंगणार आहे. या स्पर्धेसाठी 48 संघांची एकूण 12 गटांमध्ये विभागणी करण्यात आली आहे. प्रत्येक गटातील अव्वल दोन संघ आणि सर्व गटांमधील सर्वोत्तम कामगिरी करणारे 8 तिसर्‍या क्रमांकाचे संघ थेट ‘राऊंड ऑफ 32’ (बाद फेरी) साठी पात्र ठरतील. या स्पर्धेत चीनचा संघ ‘ग्रुप एच’मध्ये असून त्याच्यासोबत स्पेन, फिजी आणि मोरोक्को या संघ आहेत.

17 वर्षांखालील महिला विश्वचषक स्पर्धेचे यजमानपद मोरोक्कोकडे असून, ही स्पर्धा 17 ऑक्टोबर ते 7 नोव्हेंबर दरम्यान खेळवली जाईल. या 24 संघांच्या स्पर्धेत चीनला ‘ग्रुप ई’ मध्ये अमेरिका, सामोआ आणि एका आफ्रिकन प्रतिनिधी संघासोबत स्थान मिळाले आहे. आफ्रिका खंडातील उर्वरित 4 पात्रता संघांचा निर्णय या महिन्याच्या अखेरीस होणार आहे, ज्यानंतर 24 संघांचे चित्र पूर्णपणे स्पष्ट होईल.

from pudharinews https://ift.tt/u71Lmlx